0

Serikali imetenga KSh 2.5 bilioni kuajiri walimu, KSh 15.8 za HELB

F2a1eb89eebfc833 W Serikali imetenga KSh 2.5 bilioni kuajiri walimu, KSh 15.8 za HELB

Thu, 10 Jun 2021 Source: kiswahili.tuko.co.ke

- Katika bajeti ya KSh 3.66 trilioni, KSh 202.8 bilioni zilitengwa kusaidia mipango katika sekta ya elimu

- Yatani alitenga KSh 12 bilioni kufadhili elimu malipo katika shule za msingi

- Jumla ya KSh 62.2 bilioni zilitengwa kwa ajili ya elimu ya bila malipo ya shule za sekondari

Waziri wa Hazina ya Kitaifa Ukur Yatani mnamo Alhamisi, Juni 10, aliwasilisha bajeti ya kitaifa ya mwaka wa fedha wa 2021/2022.

Kati ya jumla ya bajeti ya KSh 3.66 trilioni ambayo ni kubwa zaidi katika historia ya Kenya, KSh 202.8 bilioni zilitengwa kusaidia mipango katika sekta ya elimu.

Kati ya mgao uliopendekezwa, - Yatani alitenga KSh 12 bilioni kufadhili elimu malipo katika shule za msingi (FPE).

Waziri huyo pia alitenga KSh 2.5 bilioni kwa ajili ya kuajiri walimu.

Jumla ya KSh 62.2 bilioni zilitengwa kwa ajili ya elimu ya bila malipo ya shule za sekondari ikiwa ni pamoja na Bima ya Afya (NHIF) kwa wanafunzi wa shule za sekondari.

Yattani alitenga KSh 4 bilioni kama ada ya kuwalipia watahiniwa wote wa Darasa la Nane na Kidato cha 4 mtihani wao wa kitaifa.

Ili kutoa chakula shuleni, Yatani alitenga KSh 1.8 bilioni kwa mpango wa kuwalisha wanafunzi wakiwa shuleni.

Waziri huyo allipendekeza mgawao wa KSh 1 bilioni kwa Mtaala wa sasa wa Elimu KSh 420 milioni kwa Programu ya masomo ya kidijitali kwa wanafunzi wa shule za upili.

Yattani vile vile alitenga KSh 4.2 bilioni kwa ajili ya kuboresha miundombinu katika shule za Msingi na Sekondari.

Jumla ya KSh 1.8 bilioni ilitengwa kwa ujenzi na vifaa vya Taasisi za Mafunzo ya Ufundi na Vituo vya Mafunzo ya Ufundi.

Yatani alitenga jumla ya KSh 281. bilioni 7 kwa Tume ya Huduma ya Walimu (TSC). Alitenga KSh 76.3 bilioni kwa ajili ya Elimu ya Vyuo Vikuu na KSh 15.8 bilioni kwa Bodi ya Mikopo ya Elimu ya Juu (HELB).

Hazina hiyo aidha ilitenga KSh 5.8 bilioni kwa Mradi wa uboreshaji wa Elimu ya Sekondari ya Kenya na KSh 5.2 bilioni kwa manufaa ya wanafunzi wa TVET.

Kwa kuongezea, KSh 745 milioni ilitengwa kwa Mafunzo ya Ufundi, Ujasiriamali, Ksh milioni 633 kwa kukuza Ajira ya Vijana na Mafunzo ya Ufundi na KSh 323 milioni ilitengwa kwa ajili ya Taasisi ya Utafiki ya Kitaifa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Chanzo: kiswahili.tuko.co.ke